Berriak
Gaur, martxoak 8, Haztegi Ikastolak bat egiten du Emakumeen Nazioarteko Egunarekin.
Urtero bezala, aurten ere, ikasleekin martxoaren 8aren inguruko hausnarketa egin dugu; eta egiten jarraituko dugu, beharrezkoa izaten jarraitzen duen bitartean.
Goizean zehar ekintza desberdinak eraman ditugu aurrera. Batetik, eguna zergatik ospatzen den geletan aipatu dugu eta begirada feministaz mundua ikusteko betaurrekoak margotu ditugu LH eta HHn.
DBHn berriz, hainbat emakume eredugarrien historia fitxak bete dituzte.
DBHO-n ere beraiek antolatutako dinamiketan parte hartu dute, aldarrikapen dantza bat esaterako.
Bukatzeko, irakasle zein ikasleen elkarteratzeak ere egin ditugu.
Berriak
4 urteko ikasleak lanbideen gaia lantzen ari dira Ikastolan eta guraso batzuk bertaratu zaizkigu beraien lanbideetan zer egiten duten azaltzera.
Mila esker gerturatu zareten guztioi!
Hona hemen hainbat irudi:
Berriak
Gaur goizean LH eta DBHko ikasle batzuk Zumarragako Zelai Aristi aretoan izan dira Gipuzkoako Bertso Idatzien Eskolarteko Txapelketan parte hartzen.
Sormena dantzan jarri ondoren, lan politak burutu dituzte eta DBH 1-2 kategorian Irune Azpeitiak bigarren saria lortu du.
Bejondeizuela!
Hona hemen hainbat irudi:
Berriak
ESKOLA KIROLA - MARTXOAREN 9ko JARDUNALDIA
Berriak
Legazpiko udalak HAPOa berritzeko azterketa lanei eman die hasiera.
Lan horietan txertatzen dira hainbat talde eta eragilerekin egindako bilerak. Gazteak, etorkizuneko Legazpiko bizilagunak, ere ez ditu ahaztu eta martxoaren 6an egin dute Haztegi eta Olazabal ikastetxeetako ikasleekin HAPOa aztertu eta hobetzeko saioa.
Seina ikasle aritu dira udal teknikariekin lanean eta etorkizuna aurreikusten hasi direla esan dezakegu.
Hona hemen irudiak:
Berriak
Urtero bezala, Zirimola Ikastolen Aisialdi Taldeak prest du 2024ko udarako eskaintza.
ZIRIMOLAk antolatzen dituen udalekuak Euskal Herri osoan zabaltzen dira, eta, haurrak erdigunean direla, honako balio hezitzaile hauek sustatzen dituzte: parte-hartzaileak dira, naturaz gozatzeko eta ikasteko jarduera-multzoez osatuak daude, ikuspegi inklusiboa eta herritarra dute, eta, ororen gainetik, euskaldunak dira.
Izen-ematea martxoaren 6tik maiatzaren 14ra https://zirimola.eus/es atarian.
Zirimola 2024 Udako eskaintza - Ohiko Galderak
Berriak
Gaur goizean, Pirritx, Porrotx eta Marimototsek "Ez gara jaitsiko" emanaldian oparitutako pagoa landatu dute Santa Kutz egoitzako lorategian.
Horretarako, Domingo Agirreko eta Haztegi Ikastolako ikasleen laguntza izan dute, non, zuhaitza landatzeaz gainera, oparitxo bat ere jaso duten.
Ekimen polita, belaunaldi ezberdinak elkartzeko balio izan duena!
Hona hemen irudiak:
Berriak
Euskal Autonomia Erkidegoan 3.000 pertsonak baino gehiagok du gaixotasun arraroren bat. Horien guztien egoera aintzat hartzeko mezua plazaratu dute erakundeek eta elkarteek.
Hona hemen bideoa: BIDEOA IKUSI
Berriak
ESKOLA KIROLA - MARTXOAREN 2ko JARDUNALDIA
Berriak
Berriak
Martxoaren 14an KORRIKA-ren 23. edizioari hasiera emango zaio Irunen eta Baionan izango du amaiera martxoaren 24an.
Aurten Legazpitik martxoaren 23an, goizeko 05:45an igaroko da.
KORRIKA ospatu ahal izateko kilometroak osatu behar dira. Kilometro batek 425€-ko balioa du. Beti bezala, Ikastolak Kilometro bat erosiko du, baina horretarako guztion partaidetza behar du. Familia eta langile bakoitzak 1 € bakarrik jarriz lor daiteke helburu hori. Euskarari bultzada bat eman diezaiogun!
Euro bat itsulapikoan eta kilometroa poltsikoan!
Urtero bezala, itsulapikoa idazkaritzan eta HHko eraikinean (Latxartegin) jarriko da.
Berriak
Haztegi Ikastolaren Lasterketa Solidarioan bildutako dirua Ugandara iritsi da, Daniella Haur Hezkuntza genero berdintasunean sustatzeko proiektura.
Maiatzaren 25ean Lasterketa solidarioa ospatu genuen Haztegi Ikastolan, orain urte batzuk hasitako bideari jarraipena emateko asmoz. 500km 11 kolore izeneko lasterketak HOTZ LEGAZPI ELKARTEARI laguntza ekonomikoa bideratzea zuen helburu, jai giro koloretsu eta alaian.
Ikasleek korrika eginez adierazi zuten ekimenaren aldeko euren konpromisoa eta ahalegina. Era berean, maiatzaren 22tik 24ra, lasterketa aurretik, ikasle bakoitzak bere gelan kaxa solidarioan bere ekarpena egiteko aukera izan zuen (borondatea). Elkartasunari balioa ematea zen xedea eta ikasleen artean zabaldu beharreko balorea dela iruditzen zaigu. Horregatik lasterketa baino lehen, sentsibilizazio saioak ere eskaini genituen maila guztietan, lasterketaren asmoak eta Hotz Legazpiren helburuak gertuagotik ezagutzeko.
Bildutako dirua Hotz Legazpirentzako izan zen eta lasterketa solidarioan lortutako ekarpen ekonomikoa pertsona errefuxiatuen hezkuntza eremuan eragiteko erabili da. Jada, Haztegi Ikastolaren Lasterketa Solidarioan bildutako dirua Ugandara iritsi da, Daniella Haur Hezkuntza genero berdintasunean sustatzeko proiektura.
Mila esker proiektu honetan bidelagun izan zareten guztioi (Hotz Legazpi, Amigos Solidarios fundazioa, Legazpiko Udala, ikastolako langile, guraso eta ikasleak)!
Lanean jarraituko dugu!
- 'Eutsi gureari!' - Errigoraren kanpaina berria
- Antton Iriarteren musika saioak Ikastolan
- LH5eko ikasleak Zumaian izan dira
- Eskola Kirola - Otsailaren 24ko Jardunaldia
- Haztegi Ikastolako Ohiko Batzar Nagusia - Otsailaren 22an izango da
- Udaberrilekuak Aisialdi Eskaintza - Ikastolen Elkartea
- Salamancara nindoalarik - DBHO 2 Bidaia
- Musikariak ikastetxeetan proiektua
- Eskola Kirola - Otsailaren 17ko Jardunaldia
- LHko ikasleek sortutako liburuak Udal Liburutegian daude irakurgai
- Iñauteriak Haztegi Ikastolan 2024 - Argazki Galeria
- Iñauteriak Haztegi Ikastolan 2024 - Informazioa
