Egoera honen aurrean eta erakunde ofizialek hartutako neurriei jarraituz, eskualdeko Turismo Bulegoa itxita egongo da bestelako jakinarazpenik izan arte. Hala ere, beti, baina orain inoiz baino gehiago, Turismo sailetik lanean jarraituko dugu edozein albisteren berri emateko. Erakunde nagusiekin batera ari gara lanean, egoera honek ekarriko dituen ondorioak lehenbailehen baretzeko eta gure eskualdeko turismoak goraldian jarraitzeko

Gehiago irakurri

Egoera dela eta, Argazki Lehiaketara aurkezteko epea atzeratu egiten da. Hala ere, zuen argazkiak bidaltzen jarrai dezakezue oinarrietan ezartzen denarekin: hemen Aurrerago, egoera hobetzen denean, jakinaraziko dizuegu argazkiak aurkezteko epe berria. Barkatu eragozpenak.

Egun hauei aurre egiteko, etxeak sorkuntza gune bihurtzea eta museoak etxeetara hurbiltzea proposatzen dute Gipuzkoako Foru Aldundiko Museoek. Hala, Igartubeiti Baserri Museoak (www.igartubeiti.eus), Areago kontakizun liburuxkaren “Azenario bete misterio” ipuinean oinarrituta, hainbat jarduera egingo ditu. Helburua, parte-hartzaile bakoitzak bere liburuxka sortzea izango da, marrazkiak eginez eta baita tartean proposatuko dituzten ekintzak aurrera eramanez ere. Komunikazioa

Gehiago irakurri

Iparragirre2020 proiektuaren barruan, astero #Iparragirrechallenge ezberdin bat proposatzen da. Bigarren erronka, apirilaren lehen astean gauzatuko da, Iparragirreren marrazki bat eginez. Parte hartzeko: 1- @iparragirre2020 Instagram kontua jarraitu 2- Iparragirreren inguruko marrazki bat egin 3.- Marrazkia igo eta etiketatu iezaiezu Marrazki guztien artean Iparragirreren 2020ko poltsa bat zozkatuko dute igandean, hilak 5, 20:00etan. Zorte on!