Haztegi Ikastola

2 urteko haurrak. Psikologoaren hitzaldia.

2 urteko haurren ezaugarri psikologikoak eta portaera

ETXEKOTZE PROZESUA

Guraso agurgarriak:

Zuen seme/alaba matrikulatzeko gure ikastola aukeratu izanagatik eskerrak eman nahi dizkizuegu.

Era berean, EKAINAREN 17an, arratsaldeko 18:00etan, egingo den bilerarako deialdia zabaltzen dizuegu. Bertan, Nekane Zeberio, Ikastolako psikologoa eta zuen seme-alaben irakasle izango direnak ezagutuko dituzue.

Etxekotze prozesuaren, haurren ezaugarri psikologikoei eta portaerari buruz azaltzen diren kezkak eta zalantzak argituko zaizkizue.

Baita Ikastolan, irailean, noiz hasiko diren jakin ere.

Etorriko zaretelakoan eta eskerrak emanez agurtzen zaituztegu

Oharra: Egungo egoera dela eta, segurtasuna bermatu ahal izateko, eskertuko genuke familia bakoitzeko persona bakarra etortzea.

 

NOIZ: EKAINAREN 17an

ORDUA: 18:00etan

NON: IKASTOLAKO ARETOAN

PSIKOLOGOA: NEKANE ZEBERIO

OHARRAK :  EUS   EUS-CAS

Haztegi Ikastola Eguna.

HAZTEGI IKASTOLAKO EGUNA EKAINAREN 4AN

Kaixo!

Ia konturatu gabe ari gara iristen ikasturte bukaerara. Nork esango zigun horrelako urtea pasa behar genuela? Zailtasun guztiei aurre eginda iritsi gara ekainera eta, urtero bezala, hemen dugu ate joka Ikastola eguna.

Ezin izango dugu nahi bezala ospatu; baina, ekitaldi xume bat behintzat zor diogu. Gorde egingo dugu ospakizuna datorren urterako.

Aurretik adierazi genuen bezala, berrikuntzarekin lotu nahi dugu une hau. Gizarteak aurrera egiten du eta guk ere aurrera egin nahi dugu. Horren erakusgarri da Ikastola egunean aurkeztu nahi dugun Haztegiren irudi berria: Legazpi, pertsonak, aurrerako mugimendua, ibilbidea… Horiek izan dira, dira eta izango dira Haztegiren adierazgarriak: erronkak, hobekuntzak, nahiak… eta, hitz batean, egiten dugun horretan jartzen dugun pasioa.

Arratsaldeko 17:00etan hasiko da ekitaldia eta 20:00ak arte iraungo du. Hainbat ekintza izango ditugu logo berriaren aurkezpenarekin batera: aurreskua, dantzariak, gorputz perkusioa… eta ondoren Ikastolako material berriaren salmentari ekingo diogu (kamisetak, tote bag poltsak, motxilak).

Egun horretan ere elkarrekin egon nahi dugu. Gonbidatuta zaudete zuen etxera! 😉

LGTBIQ+ fobiaren kontrako Nazioarteko Eguna

Jakingo duzuen bezela, gaur, maiatzak 17, LGTBI fobiaren aurkako eguna da. Pertsona homosexual, bisexual, transexual, pansexual, asexual, nahiz intersexualen eskubideak aldarrikatzeko eguna.

Historian zehar beti egon dira sexu bereko beste batzuek erakarri dituzten pertsonak. Badaude, neska baten gorputzarekin jaio arren, mutil direnak eta alderantziz.

Inork ez du bere sexu orientazioa aukeratzen. Hau da, gizonek edo emakumeek erakartzen gaituzte. Genero identitatea ere ez da aukeratzen, hau da, jaiotzen garen gorputza edozein dela ere mutil edo neska sentitzen garen ez dago gure esku.

Hala ere, LGTBIQ+ kolektiboko pertsonak edo gizartearen arabera desberdinak direnak diskriminatuak eta jazarriak izan dira, gaixotasun edo transtorno bat sufritzen zutela pentsatzen zelako.
-----------
Hori dela eta, maiatzaren 17, LGTBIQ+ fobiaren kontrako Nazioarteko Eguna da.

Aniztasuna ospatzeko eta taldeko pertsonen eskubideak aldarrikatzeko eguna.

Haztegi Ikastolak ere, bat egiten du egun honekin eta eskubide horiek bermatzeko konpromezua hartzen dugu.

Gero eta herrialde gehiagok kolektibo honetako pertsonak babesteko legeak sustatzen dituzte.


Gogoratu! Maitasunak ez du etiketarik, jarraitu dezagun denok batera gizarte hau aldatzen, eta gure eskubideak bermatzen!

KutxaBira Legazpin Bideoa

 

Igandean Legazpira iritsi zen  Kutxabira ekimena Legazpira. Argentinatik abiatu eta Euskal Herri osoa zeharkatuko duen egurrezko kutxa izango da ekimen honetako protagonista. Martxoaren 20an eman zitzaion hasiera, Viedman (Argentina) eta maiatzaren 30ean amaituko du ibilbidea, Seguran. Jendea mugitu ordez, kutxa mugituko da herriz herri, eta horren bitartez, Euskal Herriko itzulia egitea lortu nahi dute antolatzaileek.  

Herri bakoitzak bideo bat egiteaz gain, aldarrikapen bat sartu beharko du kutxa barrura, eta horrekin batera, hurrengo herriari gonbidapen agurra idatzi. Herriz herriko aldarrikapenez gain, Euskal Herri osoari zuzenduko zaion manifestu bat ere izango du barnean, herri guztietan irakurriko dena. 

Iparra Hegoa elkarteak 25 urte daramatza euskal nortasuna, euskararekiko atxikimendua eta herri izatearen kontzientzia pizten. Ekimen honen bitartez, pandemiaren ondorioz bizitako <galera sentimentalak> apaldu nahi dituzte: <Oztopoak oztopo, krisiak krisi eta estatuak estatu, guk ozen diogu: Bizi gira ... kutxa bira>. 

Aurrez esan bezala, igandean iritsi zen Legazpira. Ardanbidetako mugarrian(Lakiolan) 16:00etan hasi (Antzuolak bertan pasatuko baitu kutxa) eta 17:30etan Agirre Etxeberrin amaitu, ekitaldi batekin 

Ikastolari zegokion ibilbidea Elizondoko Loteria Administraziotik Latxartegiko zinera bitartekoa izan zen. 

Animatu zaretenoi, mila esker! 

Bertso Lehiaketa Haztegi Ikatolan

BERTSO LEHIAKETA 🎙

Lehen aldiz antolatu du mailakako bertso lehiaketa Haztegi ikastolak. Helburua bertsogintza lantzea da, euskararen erabilera sustatzea eta literatur zaletasuna bultzatzea.

Lehiaketa martxoaren 9an egin zen eta azpimarratzekoa da ikasleen artean piztu duen interesa. Horren lekuko da izandako partaidetza handia. Ondorengo gai hauen inguruan aritu dira "bertsolariak":

- Lehen eta bigarren kategorian: Ohiko moduan, gosariko azken mokadutxoa ahoan, ikastolara abiatu zara lanerako gogo zipitzik gabe. Igogailuan sartu eta egundoko ezustekoa hartu duzu.

- Hirugarren kategorian: Aspaldi zabailtza zalantza batekin: zer ote da zoriona? Otu zaizu amonari galdetzea, hark jakingo baitu horren gainean zeozer. Zer erantzun dizu amonak?

Mariaje Telleria, Sorkunde Uzkudun eta Aitor Gurrutxagak osatutako epaimahaiak ezarritako irizpideen arabera baloratu dira lanak eta kategoriakako sariak martxoaren 25ean eman dira. Irabazleak Irune Azpeitia, Paul Beiter eta Gari Ugarte izan dira.

Ekitaldi honekin hasiera eman diogu ibilbide bati eta tinko eutsiko dio horrelakoekin Haztegi ikastolak euskara sustatzeko lanari.

Mila esker denei! 😉

 

 

 

 

 

M8 - Haztegi Ikastola. Galdetegia

M8 EMAKUMEEN NAZIOARTEKO EGUNA 

Gure Ikastolako ELKARBIZITZA-AZPIBATZORDEko kide diren gurasoak Genero-berdintasuna gaiaren inguruko diagnosia egin nahi dute. Horretarako, honako formularioa betetzea eskertuko genizueke, bertatik, etorkizuneko ekintza-plana martxan jartzeko intentzioa baitugu. Eskaini tartetxo bat galdetegiari, zenbait eta erantzun gehiago orduan eta aberatsagoa izango baita gure ibilbidea (epea: martxoak 12)

 

Egun honetan ekintza ezberdinak egingo dira ikastolan Emakumeen nazioarteko eguna delarik.

Matrikulazioa Haztegi Ikastolan

Urtarrilaren 18tik urtarrilaren 29ra

Zergaitik Ikastolak?

  Kartela  Bideoa  Liburuxka - Folleto

OHARRA: EUS   EUS-CAS  

IZAN GARA   GARA!     IZANGO GARELAKO!

 

 

Matrikulazioa ikastolak

Orriak

RSS - Haztegi Ikastola-era harpidetu