Uda lagun
artean!
Udako Eskaintza
Ingeleseko udalekuak
Udaleku hauen helburu nagusia opor garaian eta aisialdian ingelesez ondo pasatzea da. Bestelako helburu batzuk ere baditu, hala nola, elkarbizitza bultzatzea, lagun berriak egitea eta ingurumenarekiko eta materialarekiko errespetua bermatzea.
Jarduera anitzen bidez, ikasleek hainbat gai lantzen dituzte: warmers (gerturatze eta elkar ezagutzeko jolasak), stories (ipuinak), outdoors and sports (kanpo jolasak eta kirola), songs and rhymes (abestiak eta errimak), games (jolasak), arts and crafts (eskulanak), outings (irteerak) eta parties (gai bakoitzari bukaera emateko festak).
Landu izan diren gaietako batzuk honako hauek dira: piratak, halloween, zirkua, uda...
Robotikako uda ikastaroa
Haztegi Ikastolak Ikastolen Elkarteak eskeinitako robotikako uda ikastaroa antolatzen du LH5 eta LH6ko ikasleentzat ekaineko azken astean.
Ongi pasatzearekin batera, pentsaera konputazionala landu eta teknologia berriak euskaraz bizitzeko aukera ematen da. Gazteen interesa suspertu nahi da zientzia, teknologia, ingeniaritza eta matematiken esparruan (STEAM), baita talde lana eta sormena garatu ere.
Gazteak aritzen dira hardwarearekin lan egiten eta bloke bidez edo grafikoki programatzen. Aurreko urteetan dronak gidatu eta proiektu bat gauzatu behar izan dute: gurpildun robot bat muntatu, programatu eta lehiaketa batean parte hartu.
