Bizitzako oinarrien etapan bidelagun

INNOVAMAT (HH 4-5)

Innovamat, ikaskuntza manipulatiboa eta konpetentziala izateaz gain, ikasleentzat esanguratsua den matematikako proposamen bat da.

Kontzeptu matematikoak aurkezten ditu, hala nola, zenbaketa, geometria, logika edo estatistika. Haurrak pixkanaka eta manipulatuz hauek deskubritzen doaz, kontzeptuak ulertuz, finkatuz eta aplikatuz.

Ezagutzak hiru ardatzen inguruan antolatzen ditu:

• Zenbakien laborategia
• Abenturak

Proposamenak  ikasteko eta bere ahalmen osoa garatzeko gonbita egiten dio ikasleari eta hori lortzeko, funtsezkoa izango da:

• Edukiak eta trebetasun matematikoak irizpide didaktikoen bidez aurkeztea.
• Haurren ikaskuntza-erritmoa errespetatzea.

• Matematika-prozesuei balioa ematea: problemak ebaztea, arrazoitzea, konektatzea, komunikatzea eta irudikatzea. Edukiak ahaztu gabe.

BULARRETIK MINTZORA

Galtzagorri elkarteak proposatutako proiektua da.

• Helburua: Irakurzaletasuna bultzatzea, familia, ikastola eta liburutegiari lotura bat emanez eta tradiziozko ipuin eta kontakizunen trasmisioa ziurtatzea.

EKARRIKO ZENUKE ABESTI BAT IKASTOLARA?

Proiektu honen helburua ume bakoitzak bere gustoko abestia gelara ekartzea eta gelakoekin konpartitzea da.

I´M LEARNING ENGLISH

Lau urterekin hasiko da haurra inglesarekin harremana izaten eta komunikatzen ikasten. Ikastolok aitzindariak izan ginen arlo honetan eta izaten jarraitzen dugu, HAZTEGIn esaterako 1992. urtean hasi ginen.

Haurrek irakasleak ingelesarekin identifikatzen dute eta imitazioz eta ingelesez komunikatzen dira. Ama-hizkuntzaz jabetzen diren moduan, ikastola testuinguruan, egoera motibagarriak eta esaguratsuak ondo antolatuz, ingelesa erabiltzen eta hizkuntza horretan komunikatzen hasten dira.

Proiektu berriaren helburua, "Herria biziz", ikasleek euren ingurunea ezagutzea eta bertako komunitatearekin aktiboki elkar eragin dezaten sustatzea da. Horrek ez du bakarrik herriko baliabideak eta toki esanguratsuak erabiltzea eskatzen, baizik eta komunitatearen baloreak eta kultura ezagutzeko aukera ere eskaintzen du. Horrela, ikasleek euren herrian bizitzeko eta jarduera sozialean parte hartzeko harreman zuzena izango dute, haien egunerokotasunean eragina izango duten esperientziak sortuz. Proiektua ez da berdina izango adin guztientzat; horren arabera, haurrentzako jarduerak eta bizipenak egokitu egingo dira.

Herriko aukerak aztertu eta zerrendatu ditugu: Herriko familia eta auzokideen arteko harremanetan oinarrituta, proiektu honek ikasleei aukera ematen die komunitatearen balioak eta nortasuna ezagutzeko. Proiektua ez da bakarrik ikastolan, baizik eta herrian zehar hedatzen da. Ikasleek elkarte eta talde desberdinetako kideekin egindako elkarrizketak eta lankidetzak euren ingurunean eragin positiboa izango du.

Familiekin elkarreraginean: Familiekin herrian zein esperientzia partekatu ditzazkegun pentsatu dugu.

Herria ezagutuz: Haurrak bizi diren auzoak, herriko toki esanguratsuak, jolasteko aukera ematen duten tokiak zerrendatu ditugu eta adin bakoitzarentzat egokiak direnak taldekatu ditugu.

Natura biziz: Herriko guneak eta naturguneak aukeratu eta aztertu dira, adin bakoitzaren garapen eta ikaskuntza prozesuetara egokitzeko. Horrek, haurrak ingurumenarekiko errespetua eta kontzientziazioa garatzeko aukera ere ematen die.

“Herria biziz” proiektua gizartearen eta komunitatearen balioak sustatzen ditu, herriko eta inguruko baliabideak erabiltzen ditu ikasleen heziketan eta hazkuntzan, eta bizipen eta esperientzia aberatsetan parte hartzeko aukera ematen die. Proiektua, beraz, herriaren eta ikastolaren arteko zubi bat da, eta benetan aberatsa izango da ikasleentzat.