DBH4Ako ikasleek industrializazioarekin lotutako irteera egin dute gaur goizean.

Chillida lantokian kokatu den erakusketak Legazpiko lehen fabriken hastapenak kontatzen ditu. Bertan, ekimen handiko pertsonak, produkzio-gune berriak martxan jarriko dituztenak, hala nola, teila, orrazi edota zementu fabrikak aurkitu daitezke. Legazpiar batzuk artisau izatetik ekoizle izatera pasatu ziren, beste batzuek makinak asmatu eta patentatu zituzten, ekintzaile izan ziren emakumeak ahaztu gabe.

Erakusketan metalaren sektorea da adierazgarriena, baina oso garrantzitsuak izan ziren beste sektore asko ere azaltzen dira. Guzti hau posible izan da “Lanaren Memoria” berreskuratzen lagundu duten legazpiarrei esker.