DBH1ekoak Legazpiko Eguneko Zentroarekin elkarlanean
Berriak
DBH1eko ikasleok Legazpiko Eguneko Zentrora bisita ezberdinak egin ditugu ikasturte guztian zehar. Esperientzia aberasgarria izan da belaunaldi ezberdin batekin istorioak, kantak, dantzak, antzerkiak eta abar partekatzea.
Ikasturte amaierara iristearekin batera agur esateko garaia iritsi zaigu, eta agurra ez da edonolakoa izan: postre goxo-goxoak prestatu ditugu, beraiekin izandako elkarrizketetatik jasotako informazioarekin euren bizitza laburtzen duen albumak eman dizkiegu, eta beraiek guri egindako eskulanak ere eman dizkigute.
Eskerrik asko Eguneko Zentroko erabiltzaile eta langile guztiei zuekin momentu hauek igarotzeko aukera emateagatik!
