Udako Aisialdi Eskaintza 2025 – Ikastolen Elkartea
Berriak
Urtero bezala, Zirimola Ikastolen Aisialdi Taldeak prest du 2025eko udarako eskaintza.
ZIRIMOLAk Euskal Herriko haur eta gazteak saretzeko helburuarekin udaleku eskaintza paregabea aurkezten digu. Haurrak eta gazteak erdigunean kokatuz, bizipen positiboz osatutako esperientzia ahaztezina izan dadin osagai guztiak bildu ditu bere egonaldietan: ikuspegi inklusibo eta herritarra dute, askotariko ekintza ludikoak antolatzen dira, ekimen parte-hartzaileak eta parekideak dira eta ororen gainetik, euskaldunak dira.
Izen-emateko epea martxoaren 4tik (10:00etatik aurrera) maiatzaren 14rarte edo plazak agortu arte izango da, zirimola.eus atarian.
OHARRA: plazak bete ahala, txandak itxiko dira izen-emate ordena errespetatuz, horretarako ordainketa eguna da aintzat hartuko dena.
