Negulekuak Proiektua 2025 - Abenduko eskaintza

Berriak
NEGULEKUAK proiektua Ikastolen Elkarteko Zirimola Aisialdi Taldeak gabonetako oporretan udaleku irekien formatoan egiten duen eskaintza da. Aisialdi  hezitzailea eskainiz, jolasaren bitartez euskararen arnasgune izateko garatutako egitasmo hau ikastolan bertan gauzatzen da 9:00-13:00 ordutegian 3 urtetik 9  urtera bitarteko haurrekin.  

Negulekuak bezalako proiektuen bitartez, ikastoletako proiektu hezitzaileari  jarraipena emateaz gain, egungo familien kontziliazio-premiari erantzun nahi  da. Izan ere, haurrentzat ez ezik, guraso eta familientzako zerbitzuak ere badira gure egitasmoak. Negulekuen programa aisialdi hezitzailearen printzipio eta balioetan oinarrituta dago, eta euskara ardatz hartuta, parte hartzen duten haurrentzat jarduera erakargarri eta gozagarriak eskaintzen ditu.  

Horretarako, lanabesak jolasa, esperimentazioa, harreman osasuntsuak, esplorazioa eta euskara izango dira; hain justu, haurren hazkunde eta garapen osoan duten garrantzia zein den badakigulako.  

Programazioa HH zein LHko taldeetako familia eta haurren beharretan oinarrituta  garatu da. Hots, proposamena parte hartzen duten haurren adin-tarte bakoitzari egokituta dago, horien familiak aintzat hartuta, guztiak ere, euskaraz jolasean, zoriontsu eta seguru senti daitezen. 

HAZTEGI - NEGULEKUAK ESKUORRIA

NEGULEKUAK 1

HELBURUAK: 
  • Haurren artean euskararen erabilera sustatzea eta euskarazko erreferenteak eskaintzea. 
  • Haurren behar fisiko eta emozionalei erantzuten dien proposamen ludikoa eskaintzea. 
  • Inolako bazterketarik gabe parte hartzen duten haur guztientzako aisialdi inklusibo eta hezitzailea eskaintzea. 
  • Partaide guztiok ikastolan gustura eta zoriontsu bizitzeko oinarriak finkatzea, eguneroko bizikidetza ohiturak landuz. 
  • Haur eta familiei konfiantzazko eta ziurtasunezko guneak eskaintzea. 
  • Aipatutako helburuak landuz, hainbat balio ezberdin ere landuko dira, jolasari eta  emozioen adierazpenei dagozkienak: laguntasuna, elkarlana, enpatia, aukera  berdintasuna … 

Helburu horien lorpenerako metodoa jolasa da, eta hezitzaileak dira bidaide. Egunero, euskara biziko dute, bai gorputza, alde kognitiboa, emozionala, nortasuna eta soziala  erabiliz.

NOIZ:  
  • 1. Txanda: Abenduak 22 eta 23
  • 2. Txanda: Abenduak 29 eta 30 
NORENTZAT:  
Ziklo bakoitzerako proposamen desberdina egingo da, haurren garapenari egokitutakoa. 
  • HH: 3-5 urte
  • LH 1etik 3ra: 6-9 urte 
ORDUTEGIA: 09:00 – 13:00 
TALDEKATZEAK: Taldea ateratzeko gutxieneko kopurua 8 pertsonakoa izango da. 
PREZIOA:  Prezioa ikasle bakoitzeko: 30€ (1. txanda) / 30€ (2. txanda) 
IZEN-EMATEA:  Izen-ematea bideratzeko epea: abenduaren 9ra arte (Izen-ematea). Data horretatik aurrera ematen diren bajak kobratu egingo dira.

EMAN IZENA