Aurtengoan ere ez dira atzean geratu gure ikasleak! Denek gainditu dute Selektibitatea, berriz ere, Unibertsitatera sartzeko ebaluazioa!
Oilar Jokoa ekainaren 16an egingo da, Korpus egunean
19:00etan izango da, Euskal Herria plazan, eta 12 urtetik gorako neska-mutilek parte hartu ahal izango dute. Animatu, parte hartzailerik gabe ez dago jokorik.
Korpus Zortzigarrenean egiten da urtero, baina aurtengoan San Joan bezpera denez korpus zortzigarrena, astebetez aurreratzea erabaki da, San Joan bezperako ohikoekin talka ez egitearren.
Bi urteko hutsunearen ondoren beraz, ekainaren 16an, 19:00etan, Oilar Jokoa egingo da Euskal Herria plazan; eta bertan, 12 urtetik gorako neska-mutilek parte hartu ahal izango dute.
Aurten, deialdi berezia egin dute udaletik, urtetik urtera parte-hartzeak behera egin izan duelako eta bi urteko etenak ere lagunduko ez duenez , mende luzeetako tradizioak jarraituko badu, ezinbestekoa delako jendeak parte hartzea. Parte hartu nahi dutenek hitzordura azaldu besterik ez dute egin beharko, eta txandaka-txandaka jokoan parte hartzeko aukera izango dute.
Joko hau dugu, hain zuzen, garai bateko Korpus Zortzigarreneko jai giro eta egitarautik oraindik ere egiten den bakarra. Jokoaren nondik norakoa ilun samarra dugu. Batzuek diotenez, “antzara jokoa” bezalaxe, gure hau ere Europatik ekarri eta gure herrietan XVIII. mendean zabaldu zen. Beste batzuek, aldiz, joko hauek aurretik ere izan zirela baieztatzen dute. Dena den, XVIII. eta XIX. mendeetan hain hedatua zen oilar jokoa dagoeneko desagertu da herriko plazetatik, eta Legazpi dugu ohitura hori oraindik mantentzen duen herri bakarretakoa.
20 euro irabazlearentzat
Garai batean, oilarraren parera iristea lortzen zuen parte-hartzaileak ezpatarekin lepoa moztu behar zion animaliari, eta oilarra bera eramango zuen etxera, sari gisa. Gaur egun, ordea, ez da horrelakorik egiten. Oilarraren parera iritsi eta ezpatarekin oilarra barruan izango duen biribil bat egin behar du. Hori egiteko gai denak 20 €-ko billetea eramango du saritzat. Alabaina, bada aspaldiko garaietatik eutsi zaion ezaugarri bat: txistulariek "Tranka-tranka" doinua jo izan dute beti, baita gaur egun ere. Joko honetan baino ez dute jotzen txistulariek doinu hori.
ESKER ONEKOAK GARA!
Eguraldiak eskainitako ater uneak aprobetxatuz, ekin diogu 2022ko Ikastola eguna festari eta merezi genuen bezala ospatu ahal izan dugu. Bi urteko etenaren ondoren, hainbat eta hainbat konturi egin behar izan diogu aurre eta ezin izango genuen aurreikusitako guztia egin hainbaten laguntzarik gabe.
Aurten bi egunetan antolatu ditugu ekintzak. Orain eskerrak ematea dagokigu!
Eskerrak gure ikasle guztiei egun honetan ere erantzuten jakin duzuelako. Protagonistak zuek zarete eta zuekin eta zuentzat ari gara.
Esker berezia Igor Andueza Zabalo LH3ko ikasleari. Bere marrazteko gaitasunari esker, Atracciones Sanzek Ikastola egunerako parkea oparitu digu. Eskerrik asko Juanpa! Izugarri gozatu dute ikasleek!
Eskerrak baita ere Legazpiko Erraldoi Konpartsari gure festa eguna alaitzeagatik! Larunbatean berriz, eskalada, slackline eta garai bateko jolasak izan genituen. Esker bereziak laguntzen aritu zinetenei eta Arruaha eta Buztintegiko kideei.
Eskerrak ikastolako familia guztiei. Ikasturte luze honetan egindako elkarlanaren emaitza da egun hau eta batetik eta bestetik denok lagundu duzue.
Eskerrik asko goizean goiz gosaltzeko txurroak ekarri dituzuenoi. Egunari ekiteko indarra eman digute eta behar-beharrezko genuen.
Eskerrak txoko solidariorako materiala (bizkotxoak, bitxiak…) ekarri duzuen guztioi. Gu baino okerrago daudenak ere gogoan izan behar ditugu: elkartasuna da gure ezaugarrietako bat.
Eskerrak musika eskolari gure festa eguna alaitzen laguntzeagatik.
Eskerrak udalari materiala uzteagatik! Eskerrak mahaiak eta aulkiak jarri eta kentzen aritu zareten guztioi. Jartzea gutxi ez eta dena bukatutakoan azken ahalegina ere egin duzuelako.
Eskerrak elkarrekin afaltzen elkartu garen guztioi. Giro ezin hobea sortu dugu denok batera. Urrunetik entzungo ziren gure kantu eta algarak.
Eskerrak bertaratu zareten guztioi. Eta bertaratu ezinik geratu zaretenoi ere bai. Etena luzea egin zaigu eta Ikastola eguna ospatzeko irrikitan geunden. Pozgarria izan da berriz ere auzolanean eta festa giroan elkartzea.
Datorren urtera arte, ESKERRIK ASKO!
Gaur Haztegi Ikastolak "Eskola jasangarri" ziurtagiria jaso du Busturian, Madariaga Dorretxean ospatu den ekitaldian.
Ekitaldi horretan, Iñigo Urkullu lehendakariak, Arantxa Tapia Ekonomiaren Garapen, Jasangarritasun eta Ingurumen Sailburuak eta Jokin Bildarratz Hezkuntza Sailburuak banatu dituzte aintzatespen-diplomak.
Hiruhileko honetan, DBH3ko ikasleek Kongoko koltanaren gatazkari aurre egiteko kanpaina sortu dute "Alboan" GKE-rekin batera.
Kongorako dirua lortzeko, zuen mugikorren materialak berrerabiltzea da helburu nagusia. Izan ere, koltan minerala da gatazka honen kausa nagusia.
Horregatik, bihar, Ikastolaren egunean, TXOKO SOLIDARIOan aurkituko gaituzue zuen mugikor zaharrak jasotzeko.
Informazio gehiago izateko, Instagrameko @emergencycallfromcongo kontuan aurkitu gaitzakezue.
Bihar elkar ikustea espero dugu!
Bi urteko geldiunearen ondoren, aurtengo Ikastola eguna EKAINAREN 3an izango da.
Egun honen helburu nagusia ikasle, guraso eta irakasleok elkarrekin jai giroan ondo pasatzea da, gure komunitatea indartuz. Antolaketa lanak aurrera doaz eta eskerrak eman nahi dizkizuegu txoko edo antolakuntza lanetan laguntzeko izena eman duzuen guztioi.
Ekintzen artean hainbat txoko antolatu dira, hona hemen, prestatu dugun egitaraua!
Azkenik, afariko mahaien eta aulkien muntaiarako ere zuen laguntza beharko dugu. Muntaia arratsaldeko 18:30ean hasiko litzateke.
ANIMA ZAITEZTE!
ESKOLA KIROLA – MAIATZAren 28ko JARDUNALDIA
Bi urteko geldiunearen ondoren, aurtengo Ikastola eguna ekainaren 3an izango da.
Egun honen helburu nagusia ikasle, guraso eta irakasleok elkarrekin jai giroan ondo pasatzea da, gure komunitatea indartuz. Antolaketa lanak aurrera doaz eta Ikastolako patioan egingo dugun afarian parte hartu nahi baduzue, ohar honen bidez jakinaraztea eskertuko genizueke. Gogoan izan nork bere janaria ekarri beharko duela.
Ekintzen artean hainbat txoko antolatuko dira eta hauek aurrera eraman ahal izateko zuen laguntza beharrezkoa dugu. Horretarako, jarri gurutze bat laguntzeko prest zaudeten txokoan.
Azkenik, afariko mahaien eta aulkien muntaiarako ere zuen laguntza beharko dugu. Muntaia arratsaldeko 18:30ean hasiko litzateke.
ANIMATU ETA EMAN IZENA!
IZENA EMATEKO EPEA: Utzi orria idazkaritzan maiatzaren 27a baino lehen.
Haztegi Ikastolako patioan haurrei interakziorako aukera eskainiko dien hainbat joko margotu ditugu.
Patioa bezalako kanpo-espazioek ikasleak hazi eta hezi daitezen duten garrantzia nabarmendu nahian gauzatutako ekimen honek, haurren interesetatik abiatuta, gogoko erronkak proposatu nahi dizkie jolasaren bitartez. Patioa futbol eremua izan ohi da, eta ondorioz, mutilen bilgune bilakatu izan da sarritan. Genero bereizketarik gabeko guneak sortzea ere (Garapen Iraunkorreko 5. Helburua) izan da proiektu honen helburua.
Eskola Agenda 30ek hartzen ditu bere baitan aipatutako helburu horiek. Horretan ere aitzindari izan zen Haztegi Ikastola.
2009-2010 ikasturtean jaso zuen lehen aldiz Eusko Jaurlaritzaren Hezkuntza Sailak ikastetxeei ematen dien Eskola Jasangarriaren ziurtagiria. Gerora, berritu egin du lau urtetik behin eta oraintxe jaso berri du 2021-2022 ikasturteari dagokiona.
Ziurtagiri horrek erakusten du Haztegi ikastolak ingurugiroarekin, jasangarritasunarekin, hezkuntzaren ikuspegi berritzailearekin eta komunitatearen eskuhartzearekin duen konpromisoa.
ESKOLA KIROLA – MAIATZAren 21eko JARDUNALDIA
Maiatzaren 18 eta 19an LHko jaialdia izango da Latxartegi aretoan.
ORDUA: 18:00etan.
TOKIA: Latxartegi Aretoa.
Ikasleek bi egunetan etorri beharko dute jaialdian parte hartzera, aldiz, gurasoek jaialdia egun batean bakarrik ikusi ahal izango duzue. Banatu zaizkizuen sarreretan adierazi zaizue zein egunetan dagokizuen jaialdia ikustea.
GOGORATU: txartel bakoitzeko pertsona bakarra etor daiteke.
Ikasleek arratsaldeko 17:45ean atzeko frontoira dagokien jantziarekin etorri beharko dute.
- Maiatzaren 21ean Mirandaolara txangoa, Sorgintxulorekin
- ALDAKETA | Eskola Kirola - Maiatzak 14ko Jardunaldia
- Eskola Kirola - Maiatzak 14ko Jardunaldia
- HAUR ETA NERABEEN GURASOENTZAKO FAMILIA-ARAUEI BURUZKO TAILERRAK
- Eskola Kirola - Maiatzak 7ko Jardunaldia
- Jangelako Menua - Maiatza
- BIHAR Prozesua - GALDETEGIA
- KORRIKA TXIKIA 22 - Apirilaren 7an, osteguna
- Izadi Zaleak – Urreako Haitza Mendi Irteera (Bedaio)
- Badator KORRIKA 22! - Urola Garaia
- Haztegi Ikastolako Helduen Danborrada Konpartsa - Izen ematea
- Jangelako Menua - Apirila