Haztegi Ikastolak LH / DBH-rako irakasleak behar ditu datorren ikasturterako. Jarraian, lan deialdiak ikusgai dituzue:
DOKUMENTAZIOA BIDALTZEKO EPEA: 2026ko ekainaren 17tik 23ra.
1. HAZTEGI IKASTOLAK LEHEN HEZKUNTZA - HEZIKETA FISIKOA DUEN IRAKASLEA BEHAR DU.
2. HAZTEGI IKASTOLAK BIGARREN HEZKUNTZARAKO HIZKUNTZA IRAKASLEA (EUSKARA ETA GAZTELANIA) DUEN IRAKASLEA BEHAR DU, 2026-2027an IKASTURTE OSOKO ORDEZKAPENA EGITEKO:
3. HAZTEGI IKASTOLAK BIGARREN HEZKUNTZARAKO ZIENTZIETAKO IRAKASLEA BEHAR DU, 2026-2027an IKASTURTE OSOKO ORDEZKAPENA EGITEKO:
Abenduaren 12an, osteguna, Lasterketa solidarioa ospatuko dugu Haztegi Ikastolan, orain urte batzuk ekindako bideari jarraipena eman asmoz.
Aurten Haztegi Ikastolak EITB Maratoiarekin bat egingo du, “Entzun bihotzari” lelopean. Edizio honetan gaixotasun kardiobaskularretan jarriko du arreta EITB Maratoiak. Hemendik At taldearen "Eskutitza" abestia izango da soinu-banda, eta keinu batean batzeko deia egingo dio gizarteari: gure eskuekin bihotzak osatzea.
Ikasleek korrika eginez adieraziko dute ekimenaren aldeko euren konpromezua eta ahalegina. Era berean, abenduaren 9tik-11ra, lasterketa aurretik, ikasle bakoitzak bere gelan egongo den kaxa solidarioan bere ekarpena egiteko aukera izango du (borondatea). DBHkoen kasuan tutoreek jasoko dute dirua.
Bildutako dirua Eitb maratoirarako izango da. Gaixotasun kardiobaskularrak pairatzen dituzten pertsonekin bat egin nahi dugu ere eta ikasleekin batera elkartasuna eman nahi diogu. Horregatik lasterketa baino lehen, sentsibilizazio saio bat ere eskainiko zaie ikasleei, lasterketaren asmoak eta Eitb maratoia zertan datzan gertuagotik ezagutzeko.
LASTERKETA, HERRIKO KALEETAN ZEHAR
Herri erdialdean bi zirkuitu izango dira, bata HHkoendako moldatutako eta bestea LH eta DBHkoendako. HHkoek udaletxeari birak emango dizkiete, LH eta DBHkoek, berriz, loradenarainoko ibilbidea osatu beharko dute, aurreko ibilbideari kale nagusia gehituz. Ikasleek zikloka korrika egingo dute, 10-15 minutuko txandatan.
Lasterketa goizeko 10:00etan hasiko da Euskal Herria Enparantzan.
Guraso eta etxekoei ere noski, lasterketa solidariora gonbidatzen zaituztegu.
LASTERKETA SOLIDARIOAREN JARRAIPENA URTEZ URTE
Haztegi Ikastolaren Lasterketa Solidarioan bildutako dirua Ugandara iritsi zen maiatzean, Daniella Haur Hezkuntza genero berdintasunean sustatzeko proiektura.
Azken urteetako ildoa jarraituz, lasterketasolidarioa ospatu genuen Haztegi Ikastolan, orain urte batzuk hasitako bideari jarraipena emateko asmoz. 500km 11 kolore izeneko lasterketak HOTZ LEGAZPI ELKARTEARI laguntza ekonomikoa bideratzea zuen helburu, jai giro koloretsu eta alaian.
Bildutako dirua Hotz Legazpirentzako izan zen eta lasterketa solidarioan lortutako ekarpen ekonomikoa pertsona errefuxiatuen hezkuntza eremuan eragiteko erabili zen. Haztegi Ikastolaren Lasterketa Solidarioan bildutako dirua Ugandara iritsi zen, Daniella Haur Hezkuntza genero berdintasunean sustatzeko proiektura.
Mila esker proiektu honetan azken urteotan bidelagun izan zareten guztioi, Hotz Legazpi, Amigos Solidarios fundazioa, Legazpiko Udala, ikastolako langile, guraso eta ikasleak!
Maiatzaren 25ean Lasterketa solidarioa ospatuko dugu Haztegi ikastolan, orain urte batzuk ekindako bideari jarraipena eman asmoz.
Aurtengo festari "500km 11 kolore" izena jarri diogu. Guztion artean zifra borobil hori lortzea izango da asmoa, jai giro koloretsu eta alaiean.
Ikasleek korrika eginez adieraziko dute ekimenaren aldeko euren konpromezua eta ahalegina. Era berean, Maiatzaren 22tik 24ra, lasterketa aurretik, ikasle bakoitzak bere gelan egongo den kaxa solidarioan bere ekarpena egiteko aukera izango du (borondatea). DBHkoen kasuan tutoreek jasoko dute dirua.
Bildutako dirua Hotz Legazpirentzako izango da. Elkartasunari balioa eman nahi diogu eta ikasleen artean zabaldu beharrekoa dela iruditzen zaigu, horregatik lasterketa baino lehen, sentsibilizazio saio bat ere eskainiko diegu ikasleei (tutoreek), lasterketaren asmoak eta Hotz Legazpiren helburuak gertuagotik ezagutzeko. Horretarako, atxikituta bidaltzen dizuegu PPT aurkezpena, gelan partekatzeko helburuarekin.
Herri erdialdean bi zirkuitu izango dira, bata HH5koendako moldatutakoa eta, bestea, luzeagoa, LH eta DBHkoendako aproposagoa. HH5koek udaletxeari birak emango dizkiete eta LH eta DBHkoek, berriz, 700 metroko ibilbidea osatu beharko dute, aurreko ibilbideari kale nagusia gehituz. Ikasleek zikloka korrika egingo dute, 10-15 minutuko txandatan.
Lasterketa arratsaldeko 14:45ean hasiko da Euskal Herria Enparantzan.
Azken urteetako irudiak dituzue ikusgai jarraian:
Guraso eta etxekoak ere noski, lasterketan parte hartzera gonbidatuta zaudete!
Maiatzaren 25ean Lasterketa solidarioa ospatu genuen Haztegi ikastolan, orain urte batzuk ekindako bideari jarraipena eman asmoz.
Ikasleek korrika eginez adierazi zuten ekimenaren aldeko euren konpromezua eta ahalegina. Era berean, Maiatzaren 22tik 24ra, lasterketa aurretik, ikasle bakoitzak kaxa solidarioan bere ekarpena egiteko aukera izan du (borondatea).
Bildutako dirua Hotz Legazpirentzako izango da. Elkartasunari balioa eman nahi diogu eta ikasleen artean zabaldu beharrekoa dela iruditzen zaigu, horregatik lasterketa baino lehen, sentsibilizazio saio bat ere eskaini diegu ikasleei, lasterketaren asmoak eta Hotz Legazpiren helburuak gertuagotik ezagutzeko.
Lasterketari dagokionez, herri erdialdean bi zirkuitu antolatu ziren, bata HH5koendako moldatutakoa eta, bestea, luzeagoa, LH eta DBHkoendako aproposagoa. HH5koek udaletxeari birak eman zizkieten eta LH eta DBHkoek, berriz, 700 metroko ibilbidea osatu behar izan zuten, aurreko ibilbideari kale nagusia gehituz. Ikasleek zikloka egin zuten korrika, 10-15 minutuko txandatan.
Denon artean 1.672,09€ lortu ditugu eta Hotz Legazpi-ri egingo diogu ekarpena.
Martxan da aurtengo Korrika! Martxoaren 19tik 29ra Euskal Herriko txoko ezberdinak zeharkatuko ditu Korrikak.
Aurten gure herritik igarotzen ez bada ere, udalak kilometro bat erosi du: 2846. kilometroa. Zuek ere gurekin batera parte hartzea eta giro eder hau elkarrekin bizitzera gustatuko litzaiguke.
Lekua: Urretxuko sarrerako biribilgunea
Eguna: Martxoaren 28a (larunbata)
Ordua: 8:10. Animatu zaitezte familian etortzera, korrika egitea edo animoak ematera!
Ondoren, Urretxu-Zumarragan egitarau bikaina antolatu dute festarekin jarraitzeko. Jarraian ikusgai duzue:
Bestalde, ostegun honetan KORRIKA TXIKIA ospatuko dugu arratsaldez. Aurrerago zabalduko dugu egitaraua.
Guztion artean euskararen aldeko indarra erakutsiko dugu. Euskara gara!
Egun zoragarria bizi izan dugu Aizelekun! Haztegi Ikastolako ikasle, guraso eta langileek bat egin dugu “50 JAI; 50 TONTOR” ekimenarekin, aurtengo Kilometroak jaialdiaren 50. urteurrenarekin elkarlanean.
Eguraldi bikainak lagunduta, 120 lagun inguru elkartu gara mendiaren magiaz eta komunitate giro apartaz gozatzeko. Eskerrik beroenak parte hartu duzuen guztioi, ekimenak izan duen harrera ikusgarria izan baita!
Elkarrekin bizitako une hauek dira gure komunitatea berezi egiten dutenak.
Ziur gaude hau ez dela azkena izango… errepikatuko dugu!
Abenduaren 16an, Haztegi Ikastolako Merkatu Txikia ospatuko dugu.
Ohitura dugunez, bai goizeko eta baita arratsaldeko ekintzetan maila ezberdinetako ikasleek parte hartzen dute hainbat eginkizunetan. Goizeko ekintzen artean Trikitilariak, Bertsolariak, marrazki lehiaketa, liburu eta jostailu salmenta,... izango ditugu.
Arratsaldean berriz, HH, LH1, LH2 eta abesbatza osatzen duten LH6ko ikasleek Gabon Kantak eskainiko dizkigute. Ondoren, Martin Pipas-ek Olentzerorentzat eskutitzak jasoko ditu.
Egun hau denok gustura igaroko dugulakoan eta zuen partaidetza aurrez eskertuz,
Abenduaren 20ean, Haztegi Ikastolako Merkatu Txikia ospatuko dugu.
Ohitura dugunez, bai goizeko eta baita arratsaldeko ekintzetan maila ezberdinetako ikasleek parte hartzen dute hainbat eginkizunetan. Goizeko ekintzen artean Trikitilariak, Bertsolariak, marrazki lehiaketa, liburu eta jostailu salmenta,... izango ditugu.
Arratsaldean berriz, HH, LH1, LH2 eta abesbatza osatzen duten LH6ko ikasleek Gabon Kantak eskainiko dizkigute. Ondoren, Martin Pipas-ek Olentzerorentzat eskutitzak jasoko ditu.
Egun hau denok gustura igaroko dugulakoan eta zuen partaidetza aurrez eskertuz. Jarraian egitaraua duzue ikusgai:
Jai giroa zabaldu zen larunbat goiz eta arratsaldean zehar Haztegi ikastola ondoan, Latxartegi parkean.
Ikastolako gurasoen, irakasleen eta DBH-4ko ikasleen artean antolatuta, Merkatu Txikia antolatu genuen goizetik, musikaz eta dantzaz lagunduta, eta legazpiar guztiei arropak, jostailuak edo liburuak erosteko mauka ederrak eskaini genituen.
Arratsaldean Gabon kutsua hartu zuen festak, eta Lehen Hezkuntzako 6. mailako abesbatzak, eta LHko eta HHko ikasleek Gabon kantak eskaini zituzten, Martin Pipasi harrera egiteko. Olentzeroren laguntzaile horrek bere ohiko tokia hartu zuen gero etxolatxoan, eta herriko haurren gutunak jasotzen jardun zuen denbora luzez.
Festa giroa osatzeko, txokolate beroa eta gailetak banatu zituzten bertaratutako guztien artean.
ZEOS Programa familientzat, azaroan; Mugikorraren zentzuzko erabilera eta osasuna saretzen formakuntzaren izen ematea urriaren 9tik 23ra izango da.
Urtarrilean Kultur etxean Altxa Burua ekimenarekin lankidetzan, “Mugikorraren eragina osasun mentalean eta emozionalean” hitzaldia izan genuen, Maitane Ormazabal osasun mentalean aditu ezagunaren eskutik.
Hitzaldiaren amaieran egindako balorazioaren emaitzak oso onak izan ziren eta familiek, gustura egoteaz gain, gaian sakontzeko beharra adierazi zuten.
Behar hori asetzeko asmoz, Udaleko Hezkuntza zerbitzuak ZEOS, Mugikorraren Zentzuzko Erabilera eta Osasuna Saretzen programa martxan jarri nahi du, Maitane Ormazabal eta Telmo Lazkano trebatzaileekin. Guztira, 4 saio izango dira, azaroaren 4, 6, 10 eta 12an 18:00etatik 20:00etara Kultur etxean eta honako edukiak landuko dira:
Mugikorraren auziaren formazio integrala
Osasun mentalean barrena
Sare sozialen arrisku- eta erabilera-formazioa
Nerabezaroan barrena: beldurrak, balioak, autoestimua eta identitate eraikitzearen garrantzia.
